Sunday, April 09, 2006

Kaun Kehta hain...



Kaun Kehta hain ki hum pyar nahi karte?
woh baat aur hai ki hum izhaar nahi karte,
woh pyar hi kya jo shabdo mein bayaan ho sake...
use dayero mein bandhne ki hum khata nahi karte
Kaun Kehta hain ki hum pyar nahi karte?

Pyar bhari hum mithi-mithi batein nahi karte,
unki bahon mein bahein hum daala nahi karte,
woh hamari khamoshi ko gar samajh na sake...
to thope hue pyar par hum vishwaas nahi karte
Kaun Kehta hain ki hum pyar nahi karte?

Unki pareshaaniyon mein hum ek pal chaien nahi karte,
saath jeene-marne ke hum mushkil vayede nahi karte,
woh isme hamari majboori ko gar samajh na sake...
phir hum virah mein jalte hain, mila nahi karte
Kaun Kehta hain ki hum pyar nahi karte?

Ek doosre ko jaane bina hum pyar nahi karte,
aur ek baar jaan liya to dobara vichaar nahi karte,
woh itne samay mein hume gar samajh na sake...
sharto ke adhaar par hum pyar ka vyapaar nahi karte
Kaun Kehta hain ki hum pyar nahi karte?



4 comments:

tinam said...

good to see you again that too with "ashique mizaz"!!
achhi shayari kar leti hain aap

Niedhie said...

Hey Tinam,

Thanks. Nahi kuch khaas to nahi, bas tooti kariyon ko milane ki koshish karti hoon.

Charchit said...

wah wah!!

Charchit said...

wah wah!! kya baat hai janab...