Friday, June 30, 2006

ud jaun...

mann kare ki main ud jaun...
chand taro ko main tod laun...
upar ki or badhti jaun...
khushiyan hi khushiyan lutaun...
hasti rahun aur sabko hasaun...
duniya se main gam ko mitaun...
pyar ko main dilo mein jagaun...
shanti ka paigaam sunaun...
ekta ka sandesh failaun...

is shahar ko chod jaun...
maan ke aanchal mein kho jaun...
gaon ki mitti sar se lagaun...
desh ko main kuch karke dikhaun...
duniya mein main naam kamaun...
chahe kitne gam main paun...
phir bhi aage badhti jaun...
uplabdhi ko main apna banaun...
dev se aashish yeh chahun...
karmpath se na bhatak jaun...

dridhta ko main gale se lagaun...
jeevan ke main lakhsya ko paun...
mushkilon ko asaan main banaun...
kash main pari ban jaun...
chhu mantar se yeh sab kar jaun!!!

No comments: