Thursday, July 18, 2013

Paisa paisa paisa

Aao sab mile bhed bhao mitakar,
Purani ranjhisho mein aakhir rakkha kya
Kuchh tum apni sunao, kuchh hum sunaye
Kyunki zindagi na milegi dobara!

Kehta hai mera dil mujhse ki tum achchhe ho,
Duniya ke bhatkaye raste par bhatak gaye ho,
Paise ki lalach chhodo, paisa to maya hai
Jeewan mein khush rehna hai to milkar jiyo.

Mujhe nahi woh din yaad jab tum pehle aise the,
Kya hua aisa ki tumhe sabka pyar dhikhta nahi ab
Baki sab jaise the waise hi hai, par tum badal gaye
Pehle wale tum bankar laut aaoge kab?

Jeewan ke har padao ko samaan roop se jiyo,
Apno ko dookh dene wala sookhi rehta hai kya,
Jaise karoge aaj waisa aage khud bhi to bharoge
Itni saral baat samajhna itna kathin hai kya?

Samajhdar ho tum padhe likhe bhi ho,
Dikhta nahi kya tumhe kaisi galtiyan kar rahe ho?
Apno ka saath to kismat walo ko milta hai
Uski paise ke naam par aahuti chada rahe ho?

Paisa paisa, hai paisa, kaisi banayi insaan ne aapda,
Na ho to dookh, jyada ho to pareshani,
Sari samasyaon ki jad hai aaj paisa
Jiske peechhe bhaag rahi yeh duniya bani diwani!!!

2 comments:

Ashish Gupta said...

And the winner of the rat race is... a rat ;)

PS: Would've preferred it typed Hindi fonts :-)

Niedhie said...

Hahaha, well said Ashish!

About the Hindi typing, I know what you mean. Unfortunately blog does not support Hindi font.